關於 Legalmart 法市
點解有法市？
移居英國，問題天天都多。係重要嘅大事件上，例如…買樓、租約、工作或者生意糾紛，本身睇英文眼鯨鯨，雖然有AI幫手，但法律字眼多，網上同AI答案又未必啱自己情況。Legalmart 由有法律背景嘅港人創立，了解香港人嘅特殊情況同背景。我地想俾講廣東話嘅人一個容易開口嘅地方，先講清楚發生咩事。
用廣東話，先理清事情
你可以揀案件類型，按時間線寫低重點；亦可以 WhatsApp 同我哋講。Legalmart 會先了解你嘅需要，解釋可能嘅下一步法律行動同律師費用安排。你同意之後，我哋先幫你配對合適律師。
香港人嘅速度，真人跟進
我哋明白有事想問，最難受係唔知下一步點行。Legalmart重視清楚、直接同盡快跟進，由真人了解你嘅情況；複雜法律問題，最終仍要由受聘律師提供專業法律意見。
服務邊度嘅人？
Legalmart 主要協助喺 England & Wales 需要法律服務嘅港人同中文使用者。查詢同配對唔會向你收費；律師費會喺你決定係咪委託之前講清楚。
由你決定下一步
唔使識法律字眼。你講低發生咩事、幾時發生，同想解決嘅問題，就可以開始。先填網上表格，或者直接 WhatsApp 法市。